မိတ္ထီလာမြို့၊ ရန်မျိုးအောင်ရပ်ကွက်တွင် ၀ါယာကြိုးအပူလွန်ကဲရာမှ မီးလောင်ကျွမ်းမှုဖြစ်ပွားခဲ့ပြီး အိမ်ခြေ(၂၀)ခန့် မီးလောင် ဆုံးရှုံး
မိတ္ထီလာမြို့ ၊ရန်မျိုးအောင်ရပ်ကွက်၊ အောင်စံပယ်နယ်မြေမှာ ဟင်းချက်တဲ့ဒယ်အိုးအနီကို ပလပ်မဖြုတ်ဘဲထားခဲ့ရာ ကနေ ၀ါယာကြိုးအပူလွန်ကဲပြီး မီးလောင်ကျွမ်းမှုဖြစ်ပွားခဲ့တာကြောင့် လူနေအိမ်ခြေ (၂၀) မီးလောင်ပျက်ဆီးဆုံးရှုံးခဲ့ပြီး အိမ် ထောင်စု (၁၇) စု လူဦးရေ (၉၇) ဦးခန့် မီးဘေးဒုက္ခသည်ဖြစ်ခဲ့ရတယ်လို့ မိတ္ထီလာခရိုင် မီးသတ်ဦးစီးဌာနကနေ သိရပါတယ်။
