ရန်ကုန်မြို့တွင် မိုးရွာသွန်းမှုအချို့ ဖြစ်ပေါ်ခဲ့ပြီး ဆိုင်ကလုန်းမုန်တိုင်း "ဖန်နီ" ၏ အရှိန်ကြောင့် လာမည့် ၃ ရက်အတွင်း တိုင်းနှင့်ပြည်နယ် အများစုတွင် မိုးရွာနိုင်ဟု မိုး/ဇလ ထုတ်ပြန်
ရန်ကုန်မြို့ မြို့နယ်အချို့မှာ ဒီကနေ့ မေ ၁ ရက်က မိုးရွာသွန်းမှုအချို့ရှိခဲ့ပြီး အလွန့်အလွန် အားကောင်းသော ဆိုင်ကလုန်းမုန်တိုင်း "ဖန်နီ" ရဲ့အရှိန်ကြောင့် နောက် (၇၂) နာရီအတွင်း တိုင်းနှင့်ပြည်နယ် အများစုမှာ နေရာကျဲကျဲ မိုးထစ်ချုန်း ရွာနိုင်တယ်လို့ မိုးလေဝသနှင့် ဇလဗေဒညွှန်ကြားမှု ဦးစီးဌာနရဲ့ ဒီကနေ့ ညနေ (၅) နာရီ ထုတ်ပြန်ချက်မှာ ဖော်ပြထားပါတယ်။
